剩女發仔寒之人物篇 【Gobby】

Gobby:

Gobby是五位「盛女」中經歷最多的一位，又係首先出場的一位，相信係節目的刻意安排。二十歲左右結婚、懷孕，到廿五歲離婚、仲要養住一名九歲女兒。節目中亦看出佢對自己所造覺得很後悔，這方面是值得同情的。

可是，從Gobby的言行舉止和外貌來看，Gobby係一個不折不扣最典型嘅MK妹，重要係一個年過三十嘅失婚《MK》婦人。佢讀書唔多，低學力，英文水平低。再加上佢嘅談吐無內涵，說三道四格，對人的態度主觀，真係MK到暈....無論說話的語氣、態度和生得個苦慘情相及那副良莠不齊的「煙屎牙」，一開口便會嚇親人，實在沒有任何痕跡去証明她曾經為自身這方面的前途努力過，那怎樣能夠吸引到男士接近?

見到Gobby同嗰個所謂飛機師及攝影師玩「相睇」，我就覺得個節目係唔係想整蠱緊佢，令佢覺得自己好唔夠「質素」。我唔係歧視人，一個話自己鐘意睇英美電視節目的人，會同做快餐店嘅Gobby溝通到咩?點解會咁樣介紹配對，根本唔係真心幫佢搵對象，只是純粹卑觀眾見到Gobby 點樣被個所謂飛機師「冷淡」對待。佢口口聲聲話個兩位飛機師及攝影師係"自以為是"嘅男人，覺得人哋"HIGH CLASS"(又扮港女說英文生字....)，同佢唔arm "CHANNEL"(再次拋啲英文生字....)。整個夏威夷「相睇」派對，對話90%都係Gobby做主導晒，人哋根本沒有表示自己是飛機師是十分巴閉的事，又點算"自以為是"呢?佢所講個兩位飛機師及攝影師，都屬有禮，有風度的男人，佢一口咬定，將人家分類成"巴閉"的人。實情佢胡亂批評別人，無用謙遜嘅態度，學習用心去認識下各階層人。一開口就講啲無腦的說話，實在不敢恭維，佢應該嘗試少說一點， 多用心去觀察不同階層的人的說話方式及風度儀態等等。只是Gobby的階層跟以上兩位相比，實在太太太低，但這不是別人的錯，只是階層不同吧了。

很明顯, 她是想單靠這節目 (而自己不費吹灰之力下) 來作出改變(無論內外皆是)，這點便扣了很多之前賺的同情分。

Gobby嘅例子應該放響 <鏗鏘集> / <星期N檔案>，用嚟告誡啲後生女仔 : 細個唔讀書，掛住玩，十幾歲就比條仔攪大個肚，老了又被人飛 ，住後只會過住悲慘失敗嘅日子... 

Gobby是五位「剩女」中黑人憎觀感投票中擁有四粒星(＊＊＊＊)的人物、緊次最需要改造的五粒星「剩女」(＊＊＊＊＊)。